چین نے روس سے دوستی کا ہاتھ بڑھا دیا دونوں ملکوں کے درمیان فوجی مشقیں شروع

بیجنگ:جاپانی سمندر میں چین اور روس کی بحری مشقوں کا آغازکردیا گیا ہے ، مشقوں کا مقصد دونوں ملکوں کے درمیان فوجی شراکت کو مضبوط کرنا اور دونوں ممالک کی افواج کے درمیان عملی تعاون بڑھانا ہے۔

جاپان کے سمندر میں چین اور روس کی بحری مشقوں میں 10 بحری جہاز، 30 جنگی طیارے، ہیلی کاپٹر، گائیڈڈ میزائل اور دیگر جنگی ساز و سامان کے ساتھ دونوں ملک شریک ہیں اور ایک دوسرے کی حفاظت کے لیے اہم کردار ادا کریں گے۔

دونوں عالمی طاقتوں کی ان مشقوں کا مقصد چین روس فوجی شراکت کو مضبوط کرنا اور دونوں ممالک کی افواج کے درمیان عملی تعاون بڑھانا ہے،چین اور روس کا کہنا ہے کہ  مشقیں 8 روز تک جاری رہیں گی۔