یورپ کےلئے پی آئی اے کی پروازوں پر پابندی کا معاملہ

یورپ کے لیے پی آئی اے کی پروازیں بحال ہونے کے معاملے پر اہم پیش رفت ہوئی ہے، یورپی ایوی ایشن سیفٹی ایجنسی (ایاسا)ستمبر میں پاکستان کا دورہ کرے گی۔

ایاسا سول ایوی ایشن اور اے سی سی کا آڈٹ کرے گی، آڈٹ میں کامیابی پر پی آئی اے کی یورپ کےلئے پروازوں پر پابندی ختم ہو سکتی ہے۔

ایاسا نے پی آئی اے کو ریموٹ آڈٹ میں کلیئر کر دیا، پی آئی اے کا ایاسا نے آن لائن آڈٹ چند ماہ قبل کیا تھا۔

یاد رہے کہ پی آئی اے پر جون 2020 سے یورپی ملکوں میں پروازوں پر پابندی عائد ہے اور یہ پابندی پائلٹوں کی جعلی ڈگریوں کے انکشافات کے بعد عائد ہوئی تھی، یورپ میں بحالی سے پی آئی اے کو اربوں روپے کی آمدنی ہوگی