دریائے راوی ،ستلج ،چناب میں اونچے درجے کے سیلاب کا خدشہ

دریائے راوی اوردریائے  چناب میں آئندہ 48 گھنٹوں میں درمیانے سے اونچے درجے کا سیلاب متوقع کیا جا رہا ہے، پی ڈی ایم اے نے ہائی الرٹ جاری کر دیا ہے۔

دریائے ستلج پھر سے ابھرنے  لگے، ہیڈ گنڈا سنگھ والا کے مقام پر پانی کی سطح ایک بار پھر 20 فٹ تک بلند ہوگئی ہے ، سیلاب کے باعث ہیڈ گنڈا سنگھ والا کے مقام پر پانی کا بہاؤ 65 ہزار کیوسک تک پہنچ گیاہے ، دریا بپھرنے سے متعدد دیہات پانی میں ڈوب گئے ہیں جس کے باعث ہائی  الرٹ جاری کر دیا گیاہے، ستلج اور راوی دونوں میں پانی کے باعث ضلعی انتظامیہ پھنس گئی، کیمپوں، ریسکیو اہلکاروں کو تعینات کرنا بھی ایک بہت بڑا چیلنج  بن گیا۔

دوسری جانب دریائے چناب میں بھی پانی کی سطح میں مزید اضافہ ریکارڈ کیا گیا  ہے، چناب نگر کے مقام پر پانی کا بہاؤ 87 ہزار کیوسک،ہیڈ  مرالہ کے مقام پر 1 لاکھ 18 ہزار، خانکی پر ایک لاکھ 31 ہزار جبکہ قادر آباد کے مقام پر 1 لاکھ 24 ہزار کیوسک ریکارڈ کیا گیا ہے۔

ڈپٹی کمشنر چناب نگر کا کہنا ہے کہ نشیبی علاقوں سے لوگوں کو محفوظ مقامات پر منتقل کیا گیا ہے، سیلابی صورت حال سے نمٹنے کے لئے متعلقہ ادارے مکمل تیار ہیں، ریسکیو ٹیموں کو بھی ہائی الرٹ رہنے کی ہدایت کردی گئی ہے۔