خیبر پختونخواہ میں تباہ کاریاں ،9افراد جاں بحق ، متعدد زخمی

خیبر پختونخواہ میں بارشوں کے باعث ہونے والے مختلف حادثات میں 9  افراد جاں بحق ہوگئے جبکہ 7 زخمی ہوئے۔

پی ڈی ایم اے کے مطابق حالیہ بارشوں سے خیبر پختونخواہ میں سیلاب اور بارشوں سے 67 گھروں کو جزوی جبکہ 7 گھروں کو مکمل نقصان پہنچا،سیکرٹری محکمہ ریلیف کے مطابق صوبائی حکومت کی ہدایت پر متاثرہ اضلاع کے لیے 60 ملین روپے جاری کر دیے گئے۔ 

پی ڈی ایم اے کی رپورٹ میں بتایا گیا کہ موسلا دھار بارش کے باعث مختلف واقعات میں 9 افراد جاں بحق ہوئے جبکہ سات زخمی ہیں۔

پی ڈی ایم اے کا کہنا ہے کہ چترال میں بھی تیز بارش اور سیلابی صورت حال سے کافی نقصان ہوا ہے چترال لوئر میں سیلاب سے 39 جبکہ اپر چترال میں 19 گھروں کو نقصان پہنچا،چترال اپر اور چترال لوئر کے لیے صوبائی حکومت نے 4 کروڑ روپے جاری کردیے۔

خیبر پختونخوا میں تیز بارشوں سے تباہ کاریاں، 9افراد جاں بحق 7 زخمی ہوئے ، پی ڈی ایم اے#GNN #BreakingNews #NewsUpdates #GNN_Updates pic.twitter.com/7vjZphs2vH

— GNN (@gnnhdofficial) July 23, 2023