مولانا فضل الرحمنٰ تاریخی حقائق کو مسخ کرنے کی کوشش نہ کریں،فواد چوہدری

سینئر سیاستدان اور پاکستان تحریک انصاف کے سابق رہنما فواد چوہدری نے کہا ہے کہ مولانا فضل الرحمنٰ کی یہ بات کہ "ہم ہی تو ہیں جنہوں نے انگریز کو اپنی سرزمین سے نکال" تاریخی حقائق کو مسخ کرنے کی کوشش ہے۔

اپنے ٹویٹ میں فواد چوہدری کا کہنا تھا کہ جمیعت علمائے ہند کی مسلمانان ہند کیلئے خدمات ان گنت ہیں ان کو جھٹلایا نہیں جا سکتا لیکن جمیعت کی بنیاد اکتوبر 1920 میں ریشمی رومال انقلاب کی ناکامی کے بعد انگریزوں کی ایماء پر لائی گئی۔

مولانا فضل الرحمنٰ کی یہ بات تاریخی حقائق کو مسخ کرنے کی کوشش ہے، گو جمیعت علمائے ہند کی مسلمانان ہند کیلئے خدمات ان گنت ہیں ان کو جھٹلایا نہیں جا سکتا لیکن جمیعت کی بنیاد اکتوبر 1920 میں ریشمی رومال انقلاب کی ناکامی کے بعد انگریزوں کی ایماء پر لائ گئ، مولانا محمودالحسن کی… https://t.co/SdB9hWDnMr

— Ch Fawad Hussain (@fawadchaudhry) July 26, 2023

انہوں نے کہا کہ مولانا محمودالحسن کی انگریزوں کے خلاف جہاد کی پالیسی کو ختم کر کے کانگریس کے اتحادی کی حیثیت سے جمیعت نے سیاست کی اور قیام پاکستان تک جمیعت قائد اعظم اور مسلم لیگ کی مخالف اور کانگریس کی حمایت کرتی رہی، جمیعت نے مسلمانان ہند کے حقوق کیلئے بہت کام کیا لیکن یہ 1920 کے بعد کبھی انگریز مخالف نہیں رہی۔