ایرانی وزیر خارجہ حسین امیر عبدالہیان آئندہ ہفتے پاکستان سرکاری دورہ کریں گے

 ایرانی وزیرخارجہ حسین امیر عبدالہیان آئندہ ہفتے پاکستان کا سرکاری دورہ کریں گے۔ سفارتی ذرائع کے مطابق دورے میں افغانستان میں سلامتی کی صورتحال خصوصی طور پر زیربحث آئیگی۔ یہ دورہ 2 روزہ ہوگا۔ ایرانی وزیرخارجہ کی آمد 3 اگست کو متوقع ہے۔ 

ذرائع کا کہنا ہے کہ ایرانی وزیر خارجہ کے دورے کے دوران دو طرفہ تعلقات کے مزید فروغ کے ساتھ علاقائی صورتحال پر مشاورت کی جائیگی۔ 

ذرائع کے مطابق افغانستان میں دہشت گردوں اور کالعدم گروہوں کی محفوظ پناہ گاہیں دونوں ممالک کے لیے باعث تشویش ہیں۔ افغان امن و سلامتی کے لیے مشترکہ و علاقائی کوششوں پر بات چیت کی جائیگی۔ 

یاد رہے کہ مسلح افواج کے سربراہ جنرل سید عاصم منیر کے حالیہ دورہ ایران میں بھی افغانستان میں کالعدم گروہوں کے درپیش چیلنجز پر تفصیلی بات چیت کی گئی تھی۔ دورہ پاکستان کے دوران بلاول بھٹو زرداری اور ڈاکٹر امیرعبدالہیان کے درمیان باضابطہ مذاکرات ہوں گے۔ دونوں وزرائےخارجہ دفتر خارجہ میں مشترکہ پریس کانفرنس سےخطاب کریں گے