خواجہ آصف اپنی بدترین شکست سے خوفزدہ ہو گئے ہیں،عثمان ڈار

پاکستان تحریک انصاف کے رہنما اور سابق چیئرمین پرائم منسٹر یوتھ پروگرام عثمان ڈار نے کہا ہے کہ خواجہ آصف نواز شریف کی ذہنی حالت کا وہ بدبودار کوڑا کرکٹ ہے جس کا پانچ سال قبل آج ہی کے دن میں نے سیالکوٹ سے مکمل صفایا کر دیا تھا

عثمان ڈار نے اپنے ٹویٹ میں کہا کہ مسلم لیگ ن کے رہنما خواجہ آصف شکست تسلیم کرنے کے بجائے باجوہ کی گود میں جا گرے اور باجوہ نے اپنی سہولتکاری سے اسے اسمبلی میں پہنچا دیا۔

خواجہ آصف نواز شریف کی ذہنی حالت کا وہ بدبودار کوڑا کرکٹ ہے جس کا پانچ سال قبل آج ہی کے دن میں نے سیالکوٹ سے مکمل صفایا کر دیا تھا لیکن یہ اخلاق باختہ کوڑا شکست تسلیم کرنے کے بجائے باجوہ کی گود میں جا گرا اور باجوہ نے اپنی سہولتکاری سے اس کوڑے کو اسمبلی میں پہنچا دیا۔ آج بھی…

— Usman Dar (@UdarOfficial) July 26, 2023

انہوں نے کہا کہ آج بھی اپنی بد ترین شکست سے خوفزدہ یہ شخص سیاسی خواتین کی عفت و عصمت کے ساتھ ساتھ اپنے سیاسی حریف کی غیر سیاسی خواتین پر بھی حملہ آور ہو چکا ہے۔

عثمان ڈار کا کہنا تھا کہ میری ضعیف والدہ کے ساتھ بد تمیزی اور گھر کی خواتین کے ساتھ خواجہ آصف کی ایماء پر برتا جانے والا سلوک اس کی سات نسلوں تک پیچھا کرے گا۔

واضع رہے کہ پارلیمنٹ کے مشترکہ اجلاس میں مسلم لیگ ن کے رہنما خواجہ آصف نے  پی ٹی آئی خواتین اراکین کو کوڑا کرکٹ اور باقیات قرار دے دیا۔ ان کا کہنا تھا کہ یہ باقیات رہ گئی ہیں