سول جج کی اہلیہ کے تشدد کا نشانہ بننے والی بچی رضوانہ کی میڈیکل رپورٹ تیارکرلی گئی،پنجاب میڈیکل بورڈ نے رپورٹ پنجاب حکومت کو جمع کرا دی

میڈیا ذرائع کے مطابق لاہوار کے جنرل اسپتال کے میڈیکل سپرنٹنڈنٹ (ایم ایس) ڈاکٹر خالد نے گفتگو میں بتایا کہ جج کی گھریلو ملازمہ بچی کے دونوں بازو فریکچر ہیں، کلائی سے کہنی تک آپریشن کیا گیا۔  بچی کا علاج تاحال  جاری ہے، بچی کے سر کا آپریشن ہوا ہے، زخم میں کیڑے پڑے ہوئے تھے۔ بچی کا بلڈ پریشر کم ہے، بچی کے چہرے پر زخم کا علاج بھی ہو رہا ہے۔

رپورٹ کے مطابق بیہمانہ تشدد کے باعث بچی کے جسم میں خون کی گردش نہیں ہو رہی، رپورٹ میں لکھا گیا ہے کہ لڑکی کا جگر کافی حد تک متاثر ہوا ہے، بلڈ انفیکشن کے باعث لڑکی کے جسم کا بلڈ پرہیشر گرتا جا رہا ہے، شدید تشدد کے باعث لڑکی کا ذہنی توازن بھی بگڑ چکا ہے ،شدید سوجن کی وجہ سے جسم میں مزید بیماریاں لاحق ہوسکتیں ہیں ۔

رپورٹ کے مطابق کمسن بچی رضوانہ کھانے پینے سے بھی قاصر ہے میڈیکل بورڈ نے پنجاب حکومت کو میڈیکل رپوٹ جمع کرادی ۔

میڈیا ذرائع کے مطابق متاثرہ لڑکی رضوانہ نے ویڈیو بیان میں تصدیق کی  تھی کہ اس پر ڈنڈوں اور چمچوں سے تشدد کیا گیاہے۔

سول جج کی اہلیہ کے تشدد کا نشانہ بننے والی بچی رضوانہ کی میڈیکل رپورٹ تیار#GNN #NewsUpdates #BreakingNews #GNN_Updates pic.twitter.com/SQcs347K8e

— GNN (@gnnhdofficial) July 26, 2023