اسلام آباد ہائیکورٹ نے توشہ خانہ فوجداری کیس میں چیئرمین پی ٹی آئی  کی اپیل  پر سماعت آئندہ ہفتے تک ملتوی کردی

اسلام آباد ہائیکورٹ نے توشہ خانہ فوجداری کیس میں چیئرمین پی ٹی آئی  کی اپیل  پر سماعت سپریم کورٹ کے احکامات آنے تک ملتوی کر دی ہے ۔

چیف جسٹس اسلام آباد ہائیکورٹ جسٹس عامر فاروق نے توشہ خانہ فوجداری کیس کے  متعلق  سماعت کی۔ چیئرمین پی ٹی آئی  اور الیکشن کمیشن کے وکلاء پیش ہوئے۔

خواجہ حارث نے چار کیسز عدالت کے سامنے ہونے کا بتایا تو چیف جسٹس عامرفاروق نے ریمارکس دیئے کہ سپریم کورٹ کا آرڈر آ جائے پھر دیکھتے ہیں۔

بیرسٹر گوہر نے عدالت کو بتایا کہ ٹرائل کورٹ میں جو معاملہ ہوا وہ وہیں  ختم ہو چکا تھا صلح بھی ہو چکی ہے، جب کہ خواجہ حارث ایڈووکیٹ نے کہا کہ ہم نے ٹرائل جج سے معذرت بھی کی تھی۔

اس پر جسٹس عامر فاروق نے ریمارکس دیئے کہ اس معاملے میں پیرے پاس ابھی تک کوئی دلائل نہیں ہیں۔

چیف جسٹس عامر فاروق نےپوچھا کہ  سپریم کورٹ کا آرڈر آج آنے کا امکان ہے؟ ڈائریکشنز دی گئی ہوں تو ہائیکورٹ کو بھی آفیشلی آرڈر بھیجا جاتا ہے۔

انہوں نے کہا کہ سپریم کورٹ نے تمام کیسز یکجا کر کے سننے کا کہہ دیا پھر تو ٹھیک ہے۔ اگر سپریم کورٹ نے نہیں کہا تو پھر میں یکجا کرنے کا آرڈر کر دوں گا۔

خواجہ حارث نے ٹرائل روکنے کی استدعا کرتے ہوئے کہا کہ ملزم کی غیر موجودگی میں گواہوں کے بیانات پر جرح ہوئی۔ آج ناقابل ضمانت وارنٹ نکالنے کا بھی کہا ہوا ہے۔ اس معاملے کو بھی دیکھ لیں اور کچھ آبزرو کر دیں۔

اس کے بعد عدالت نے سپریم کورٹ کے آرڈر کا انتظار کرنے کی ہدایت کرتے ہوئے سماعت ملتوی کر دی۔

توسہ خانہ کیس کے ٹرائل پر حکم امتناعی جاری کرنے کی استدعا پر فیصلہ محفوظ#GNN #NewsUpdates #BreakingNews #GNN_Updates pic.twitter.com/3UeK7U0yMG

— GNN (@gnnhdofficial) July 27, 2023