سپریم کورٹ کی نامزد چیف جسٹس قاضی فائز عیسی کے خلاف تو ہین عدالت کیس کی درخواست واپس لینے کیلیے ان چیمبر سماعت مقرر

اسلام آباد :جسٹس قاضی فائز عیسیٰ کے خلاف توہین عدالت کی کارروائی کا معاملہ درخواست واپس لینے کیلئے اِن چیمبر اپیل سماعت کیلئے مقرر کر دی گئی۔ میڈیا رپورٹس کے مطابق چیف جسٹس پاکستان جسٹس عمر عطاء بندیال 31 جولائی کو ان چیمبر اپیل پر سماعت کریں گے۔

جسٹس قاضی فائز عیسیٰ کے خلاف وکیل ریاض حنیف راہی نے درخواست دائر کی تھی،انکوائری کمیشن کی کارروائی چلانے پر توہین عدالت کی درخواست دائر کی تھی ۔

رجسٹرار آفس سپریم کورٹ نے درخواست پر اعتراضات عائد کئے جس کے بعد وکیل ریاض حنیف راہی نے رجسٹرار آفس کے اعتراضات کیخلاف ان چیمبر اپیل بھی دائر کی تھی۔  گزشتہ دنوں سپریم کورٹ نے جسٹس قاضی فائز عیسیٰ کے خلاف کیوریٹو ریویو کیس کا فیصلہ جاری کیا تھا،چیف جسٹس پاکستان جسٹس عمر عطاء بندیال نے جسٹس قاضی فائز عیسیٰ کے خلاف دائر درخواستیں حکومت کی جانب سے واپس لینے کی بنیاد پر خارج کر دی تھیں۔چیف جسٹس پاکستان عمر عطاء بندیال نے حکومتی درخواستوں پر سماعت کی تھی،تحریک انصاف کے دور میں جسٹس قاضی فائز عیسیٰ کے خلاف کیوریٹو ریویو کیس دائر کئے گئے تھے۔

نامزد چیف جسٹس قاضی فائز عیسیٰ کے خلاف توہین عدالت کارروائی کا معاملہ#GNN #GNN_Updates #NewsUpdates #Breakingnews pic.twitter.com/WKkGHUniGJ

— GNN (@gnnhdofficial) July 29, 2023