شبر زیدی نے یہ کہانی کہاں سے ایجاد کر لی،اسد عمر

پاکستان تحریک انصاف کے رہنما اور سابق وفاق وزیر خزانہ اسد عمر نے سابق چیئرمین ایف بی آر شبر زیدی کے انٹرویوپر ردعمل دیتے ہوئے سوال کیا کہ شبر زیدی بھائی خیریت ہے؟ یہ کہانی کہاں سے ایجاد کردی؟

اپنے ٹویٹر پیغام میں اسد عمر کا کہنا تھا کہ تحریک انصاف کی حکومت اگست 2018 میں بنی تھی اور ہماری حکومت کے اختتام پر اسٹیٹ بینک کے زر مبادلہ ذخائر 9.8 ارب ڈالر تھے۔

شبر بھائی خیریت ہے، یہ کہانی کہاں سے ایجاد کر دی؟ تحریک انصاف کی حکومت بنی اگست 2018 جس کے اختتام پر سٹیٹ بنک کے زر مبادلہ کے ذخائر 9.8 ارب ڈالر تھے۔ میرے وزارت خزانہ سے ہٹنے کا مہینہ اپریل 2019 تھا جس کے اختتام پر زر مبادلہ کے ذخائر 8.7 ارب ڈالر تھے۔ یہ ڈیفالٹ کی کہانی سے آگئ؟… pic.twitter.com/ougIJeM7Yp

— Asad Umar (@Asad_Umar) July 28, 2023

پی ٹی آئی رہنما نے کہا کہ میرے وزارت خزانہ سے ہٹنے کا مہینہ اپریل 2019 تھا، میرے وزارت خزانہ سے ہٹنے کے وقت زر مبادلہ کے ذخائر8.7 ارب ڈالر تھے،یہ ڈیفالٹ کی کہانی کہا سے آ گئی۔

سابق وزیر خزانہ نے سوال کرتے ہوئے کہا کہ موجودہ حکومت کے دور میں زر مبادلہ کے ذخائر 3 ارب ڈالر سے بھی کم ہو گئے تھے، قرضوں کی ادائیگی میں ڈیفالٹ نہیں ہوا تو 8 اعشاریہ 7 ارب ڈالر پر ڈیفالٹ کیسے ہوتا۔