وزیر خارجہ آج متحدہ عرب امارات کا سرکاری دورہ کریں گے

اسلام آباد: وزیر خارجہ بلاول بھٹو زرداری آج متحدہ عرب امارات کا سرکاری دورہ کریں گے۔

اپنے دورے میں وہ متحدہ عرب امارات کے اپنے ہم منصب شیخ عبداللہ بن زید النہیان سے ملاقات کریں گے اور دوطرفہ تعلقات کے تمام پہلوؤں پر تبادلہ خیا ل کریں گے۔

وزیر خارجہ عرب امارات کی قیادت سے صدر شیخ محمد بن زید کے بھائی کی وفات پر تعزیت کرینگے۔

دوبئی میں وزیر خارجہ مادام تسائو میوزیم میں پہلی پاکستانی خاتون شخصیت محترمہ بے نظیر بھٹو کے مجسمے کی نقاب کشائی کی تقریب میں بھی شرکت کریں گے۔

وزیرخارجہ کایہ دورہ متحدہ عرب امارات کے ساتھ پاکستان کے بھرپورروابط اوردونوں ملکوں کے درمیان باہمی مفاد پرمبنی تعاون کاعکاس ہے۔