مریم اورنگزیب نے روات میں پی بی سی کے ڈیجیٹل ٹرانسمیٹر کا سنگ بنیاد رکھ دیا

روات: اطلاعات ونشریات کی وزیر مریم اورنگزیب نے آج (اتوار) روات میں ایک ہزار کلوواٹ کے ڈیجٹیل ٹرانسمیٹر کی تنصیب کے منصوبے کا آغاز کیا۔

صحافیوں سے گفتگو کرتے ہوئے وفاقی وزیر نے کہاکہ ڈیجیٹل ریڈیو Mondiale(ڈی آر ایم ) ٹیکنالوجی پر مبنی یہ جدید ٹرانسمیٹر بیک وقت چار مختلف سنگلز بھیج سکتا ہے ۔یہ تینتیس فیصد بجلی کی بچت کرے گا جس سے سرکاری نشریاتی ادارے کے اخراجات میں کمی آئے گی۔

یہ ڈیجیٹل ٹرانسمیٹرریڈیو پاکستان کی نشریات کی رسائی میں اضافہ کرے گا اور یہ نشریات جنوبی ایشیا کے علاوہ وسطی ایشیا، مشرق وسطیٰ ، مشرق بعید ، ترکیہ اور یونان سمیت باون ملکوں میں سنی جاسکیں گی۔یہ منصوبہ دو سال میں چار ارب روپے کی لاگت سے مکمل کیا جائے گا اور قومی نشریاتی ادارے کو جدید بنانے میں سنگ میل ثابت ہوگا اور اس کی نشریات کے معیار کو بہتر بنائے گا۔