وزیراعظم شہباز شریف کا پرامن عاشورہ محرم کے انعقاد پر اظہار تشکر

لاہور:وزیراعظم محمد شہباز شریف نے پرامن عاشورہ محرم کے انعقاد پر اظہار تشکر کیاہے

۔وزیراعظم آفس میڈیا ونگ سے جاری بیان کے مطابق وزیراعظم نے محرم الحرام کے دوران امن و امان یقینی بنانے پر وفاقی وزیر داخلہ رانا ثنا اللہ ، تمام صوبائی وزرا داخلہ، وفاقی وصوبائی حکام اور سکیورٹی فورسز کو شاباش دی اور کہاکہ وزرا اعلیٰ، صوبائی و ضلعی انتظامیہ، پولیس کے آئی جیز کو محرم الحرام کے موقع پر بہترین انتظامات کرنے پر مبارک پیش کرتا ہوں۔

وزیراعظم نے کہاکہ امن وامان کے نفاذ کو یقینی بناتے ہوئے عاشورہ کے جلوسوں کے لئے بہترین انتظامات کئے گئے، وفاقی و صوبائی محکموں اور سکیورٹی کے تمام اداروں نے بہترین اشتراک عمل سے کام کیا۔ وزیراعظم نے کہاکہ پولیس کے افسران اور جوانوں کو شاباش دیتا ہوں جنہوں نے دن رات سکیورٹی خدمات انجام دیں، الحمدللہ، سکیورٹی کے بہترین انتظامات کی وجہ سے کوئی ناخوشگوار واقعہ نہیں ہوا