چیئرمین سینیٹ نے انتہا پسندی کی روک تھام کا بل ڈراپ کردیا

وزیر مملکت برائے قانون شہادت اعوان نے پرتشدد انتہاپسندی کی روک تھام کے لیے بل 2023 سینیٹ میں پیش کیا۔ بل پیش ہوتے ہی اپوزیشن کے تمام ارکان اپنی  اپنی نشستوں پر کھڑے ہوگئے ۔

پی ٹی آئی سینیٹر ہمایوں مہمند نے کہا کہ لگتا ہے یہ بل پی ٹی آئی  کو الیکشن سے روکنے کا بل ہے۔ اس بل کی تمام شقوں سے پی ٹی آئی  کے خلاف  سازش کی بو آ رہی ہے۔

 اتحادی جماعت جے یو آئی  اور نیشنل پارٹی نے بھی  قانون سازی کی مخالفت کر دی جبکہ سینیٹر کامران مرتضیٰ اور طاہر بزنجو نےبھی  اعتراضات اٹھا ئے۔

سینیٹرعرفان صدیقی نے کہا کہ پرتشدد انتہاپسندی کی روک تھام بل 2023 اہمیت کا حامل ہے، اس بل کو پاس کرنے سے پہلے کمیٹی میں پیش کرنا چاہیے تھا، کل کو کوئی بھی اس بل کا شکار ہو سکتا ہے، ابھی جلد بازی میں بل پاس ہو رہا ہے، کل کہا جائے گا بل پاس ہورہا تھا تو آپ کہاں تھے۔

جماعت اسلامى نے بھی بل کی  مخالفت کرتے ہوئے  سینیٹر مشتاق احمد نے کہا کہ یہ بل ایک نہیں بلکہ تمام سیاسی جماعتوں کے خلاف ہے، یہ بل جمہوریت کے خلاف ہے اور اس بل کو پاس کروانے والے پارلیمنٹ کے ذریعے جمہوریت کو دفن کرنا چاہتے ہیں۔

چیئرمین سینیٹ نے انتہا پسندی کی روک تھام کا بل مؤخر کردیا#GNN #GNN_Updates #News_updates #Breakingnews pic.twitter.com/zheTuJ7wsh

— GNN (@gnnhdofficial) July 30, 2023