سپیکر قومی اسمبلی کا شہباز رانا سے اظہار تعزیت

اسلام آباد: سپیکر قومی اسمبلی راجہ پرویز اشرف نے سینئر صحافی شہباز رانا کے والد کے انتقال پر گہرے دکھ اور افسوس کا اظہار کیا ہے۔

پیرکوسپیکر قومی اسمبلی نے اپنے تعزیتی پیغام میں شہباز رانا سے ان کے والد کے انتقال پر گہرے دکھ اور افسوس کا اظہار کیا۔ انہوں نے کہا کہ والدین قدرت کا انمول تحفہ ہیں ان کا اچانک بچھڑ جانا ایک بڑا صدمہ اور ناقابل تلافی نقصان ہے، جسے مدتوں پورا نہیں کیا جا سکتا۔

انہوں نے کہا کہ غم اور دکھ کی اس گھڑی میں وہ سوگوار خاندان کے غم اور دکھ میں برابر کے شریک ہیں۔سپیکر قومی اسمبلی نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطا فرمانے کی دعا کی۔