پی ٹی آئی نے 13ارکان کی بنیادی رکنیت منسوخ کردی

راجہ ریاض اور نور عالم خان کے علاوہ رمیش کمار وانکوانی، نزہت پٹھان، وجیہہ قمر، سردار ریاض محمود خان مزاری، رانا محمد قاسم نون کو بھی پارٹی سے نکال دیا گیا ہے۔

مخدوم زادہ سید باسط احمد سلطان،  نواب شیر، محمد عبدالغفار وٹو، عامر طلال گوپانگ ،فضل خان ڈھانڈلہ اور احمد حسین دہر کو پارٹی سے نکال دیا اور بنیادی رکنیت منسوخ کردی۔

راجہ ریاض موجودہ  وقت میں قومی اسمبلی میں اپوزیشن لیڈر کے فرائض سرانجام دے رہے ہیں جبکہ نور عالم خان پبلک اکاؤنٹس کمیٹی (پی اے سی) کے چیئرمین ہیں۔

یاد رہے گزشتہ روز پی ٹی آئی نے پارٹی چھوڑنے والے 22 سابق ارکان قومی و صوبائی اسمبلی کو بھی نکال دیا تھا۔