عراق نے پاکستانی زائرین کے لیے ویزا فیس ختم کردی

بغداد: عراق نے پاکستانی زائرین کے لیے ویزا فیس ختم کردی۔

تفصیلات کے مطابق وفاقی وزیر داخلہ رانا ثناء اللہ نے بغداد میں عراقی وزیراعظم محمد شیعہ السودانی سے ملاقات کی جس میں عراقی وزیر داخلہ عبدالامیر الشمری نے بھی شرکت کی۔

سیاسی رہنماؤں کی ملاقات میں انسداد دہشت گردی سمیت مختلف شعبوں میں تعاون بڑھانے پر اتفاق کیا گیا۔

اجلاس میں پاکستانی سرمایہ کاروں کو الیکٹرانک ویزا کی سہولت فراہم کرنے کا بھی فیصلہ کیا گیا ہے جبکہ اس کے ساتھ ہی عراق نے بھی پاکستانی زائرین کے لیے ویزا فیس ختم کرنے کا اعلان کیا ہے۔

مزید برآں، عراقی وزیراعظم نے معمولی جرائم اور زائد قیام کے جرم میں عراقی جیلوں میں قید پاکستانیوں کی جلد رہائی کو یقینی بنانے کی ہدایت کی ہے۔