پاکستان اسٹاک ایکسچینج میں کاروبار کے آغاز پر تیزی کارجحان 

کراچی: اسٹاک ایکسچینج میں کاروبارکےآغازمیں ہنڈرڈ انڈیکس میں 300 سے زائد پوائنٹس کا اضافہ ہوا، انڈیکس 49 ہزار 111 پوائنٹس پرٹریڈ کر رہا ہے۔

ذرائع کے مطابق اسٹاک مارکیٹ میں تیزی کی وجوہات یہ سامنے آرہی ہیں کہ پاکستان اپنے ٹریڈ پارٹنر امریکا کو بھی سی پیک میں شامل کرنے جارہا ہے، اس کے علاوہ آئل ریفائنری کے لیے آئل ریفائنری پالیسی بھی بننے جارہی ہے جس کی وجہ سے یہ خبریں سٹاک مارکیٹ میں بہتری کا باعث ثابت ہورہی ہیں۔

ہفتے کے آغاز سے ہی سٹاک مارکیٹ میں تیزی کارجحان تھا اور مسلسل دس روز سے سٹاک مارکیٹ میں بہتری آرہی ہے۔

دوسری جانب انٹربینک میں کاروبار کے آغاز کے ساتھ ہی ڈالر 88 پیسے کی کمی کے بعد 288 روپے کا ہوگیا۔