پاکستان کرکٹ بورڈ کے زیراہتمام خواتین کرکٹرز کے لیے کمیونیکیشن ورکشاپ کا اختتام

پاکستان کرکٹ بورڈ کے زیراہتمام خواتین کرکٹرز کے لیے کمیونیکیشن ورکشاپ اختتام کو پہنچا۔پی سی بی ترجمان کے مطابق قذافی اسٹیڈیم لاہور میں منعقدہ اس ورکشاپ میں بائیس خواتین کرکٹرز نے شرکت کی۔پاکستان کرکٹ بورڈ کی جانب سے اس ورکشاپ کے انعقاد کا بنیادی مقصد یہ تھا کہ خواتین کرکٹرز کی کمیونیکیشن کی مہارت میں اضافہ کیا جائے تاکہ وہ ایک بہترین شخصیت کے طور پر خود کو دنیا کے سامنے پیش کرسکیں۔

22 women cricketers featured in a two-day strategic communications workshop organised at the Gaddafi Stadium.

Read more ➡️ https://t.co/1Iy0sG97Tx pic.twitter.com/DCqsIxN8yw

— Pakistan Cricket (@TheRealPCB) August 4, 2023

اس ورکشاپ کے انعقاد کا ایک مقصد یہ بھی تھا کہ پاکستان کرکٹ بورڈ چاہتا ہے کہ یہ کھلاڑی دنیا بھر کے لوگوں کو کرکٹ کی سفیر کی حیثیت سے متاثر کرسکیں۔اس ورکشاپ میں کمیونیکیشن ماہرین اور پروفیشنل حضرات نے ان کھلاڑیوں کی رہنمائی کی اور رابطوں کے مختلف شعبوں سے متعلق اپنے تجربات شیئر کیے جن میں میڈیا انٹرویوز، سوشل میڈیا سے تعلق، عام لوگوں سے بات چیت اور کرائسس منیجمنٹ جیسے امور شامل تھے۔ورکشاپ کے شرکا کے لیے مختلف طرح کے سیشنز رکھے گئے تھے جن میں پریکٹیکل مشقیں بھی شامل تھیں جن کا مقصد ان کھلاڑیوں کے اعتماد میں اضافہ کرنا اور رابطوں کی مختلف صورتحال میں نمٹنے کی صلاحیت پیدا کرنا تھا۔

ا س حوالے سے پاکستان کرکٹ بورڈ کی منیجمنٹ کمیٹی کے چیئرمین ذکا اشرف کا کہنا ہے کہ وہ اس بات پر یقین رکھتے ہیں کہ کھلاڑیوں کے کریئر نکھارنے میں ان کی کمیونیکیشن سے متعلق صلاحیت اہم کردار ادا کرتی ہے اور ساتھ ہی اس سے پاکستان کرکٹ کا مثبت امیج بھی دنیا کے سامنے آتا ہے۔انہوں نے کہا یہ ورکشاپ اس بات کو ظاہر کرتا ہے کہ پاکستان کرکٹ بورڈ اپنی خواتین کرکٹرز کو بااختیار دیکھنا چاہتا ہے

More details here ➡️ https://t.co/1Iy0sG97Tx pic.twitter.com/QVyrJCMMjY

— Pakistan Cricket (@TheRealPCB) August 4, 2023

اس ورکشاپ سے انہیں نہ صرف کھلاڑی کی حیثیت سے بلکہ کمیونیکیٹر اور لیڈر کے طور پر بھی آگے بڑھنے میں مدد ملے گی۔انہوں نے کہا کہ پاکستان کرکٹ بورڈ کو امید ہے کہ اس ورکشاپ سے کھلاڑیوں اور کھیل دونوں کو بہت زیادہ فائدہ پہنچے گا اور یہ کھلاڑی جدید کرکٹ کے دور میں پریشر کو بہتر انداز میں ہینڈل کرنے کے لیے تیار رہیں گی۔

خواتین کرکٹ کی سربراہ تانیہ ملک کا کہنا ہے کہ عام رائے قائم کرنے کے ضمن میں میڈیا اہم کردار ادا کرتا ہے اور ہم چاہتے ہیں کہ ہماری کھلاڑی اپنے ملک کی نمائندگی کرتے وقت مکمل طور پر تیار اور پراعتماد رہیں۔ان کا کہنا ہے کہ بہتر کمیونیکیشن شائقین ، اسپانسرز اور میڈیا سے مضبوط تعلق قائم کرتی ہے اور اس سے کھلاڑیوں کو آگے بڑھنے کے اچھے مواقع میسر آتے ہیں ۔

کھلاڑیوں کی کمیونیکیشن مہارت بڑھنے سے ٹیم میں بھی مثبت اور تعمیری ماحول پیدا ہوتا ہے جس سے وہ اگلی نسل کے لیے رول ماڈل اور مینٹور کا کردار بھی ادا کرتی ہیں۔ورکشاپ میں عالیہ ریاض، انوشے ناصر، بسمہ معروف، ڈیانا بیگ، ایمان فاطمہ، فاطمہ ثنا، غلام فاطمہ ، گل فیروزہ، منیبہ علی، ناجیہہ علوی، نشرہ سندھو، نتالیہ پرویز، ندا ڈار، عمیمہ سہیل،صدف شمس، سعدیہ اقبال، شوال ذوالفقار، سدرہ امین، سدرہ نواز،عروب شاہ، طوبی حسن اور ام ہانی نے شرکت کی