پی ٹی آئی رہنما شہریار آفریدی تھانہ نیوٹاؤن مقدمے سے ڈسچارج ہوتے ہی دوبارہ گرفتار

شہر یار آفریدی کو انسداد دہشتگردی راولپنڈی کی عدالت سے رہا ہوتے ہی دوبارہ گرفتار کرلیا گیا،3ایم پی اوکے تحت دوبارہ گرفتار کر کے اڈیالہ جیل منتقل کر دیا گیا۔پولیس کے مطابق شہریار آفریدی کو تھری ایم پی او کے تحت 15 روز کےلئے گرفتار کیا گیا ہے۔ شہریار آفریدی کو گزشتہ رات بھی اڈیالہ جیل سے رہائی پر گرفتار کیا گیا تھا۔

وکیل چودھری اشتیا ق کے مطابق شہریار آفریدی انسداد دہشت گردی کی عدالت سے اپنے وکلاء کے ہمراہ باہر آئے تو پولیس نے پھر دھاوا بول دیا۔ 

وکیل کے مطابق تھانہ نیو ٹاؤن پولیس شہریار آفریدی کو پھر سے گرفتار کرنا چاہتی تھی، ولیس نے وکلاء اور شہریار آفریدی کے کپڑے پھاڑ دئے جس پر شہریار آفریدی اور انکے وکلاء نے انسداد دہشت گردی عدالت میں پناہ  لے لی۔

تاہم بعدا زاں ڈپٹی کمشنر اسلام آباد کی جانب سے جاری کردہ 3 ایم پی او کے حکم نامے کے تحت انہیں گرفتار کرکے  اڈیالہ جیل منتقل کردیا گیا ہے ۔ یادرہے یہ ان کی چوتھی بار گرفتار ی ہے ۔