اسلام آباد بار ایسوسی ایشن کی جج ہما یوں دلاور کے رویے کی پرزور مذمت ،وکلا نے عدالت پیش نہ ہونےکا عندیہ دے دیا

اسلام آباد بار ایسوسی ایشن نے کہا ہے کہ ہتک آمیزاور متکبرانہ  رویہ  اپنانے پر جج ہمایوں دلاور شام تک معزز اراکین بار سے معذرت کریں اگر جج ہمایوں دلاور کی جانب سے معافی نہ مانگی گئی تو وکلاء صاحبان ہمایوں دلاور ایڈیشنل سیشن جج کی عدالت میں پیش نہیں ہوں گے۔

بار ایسوسی ایشن کی جانب سے مزید کہا گیا ہے کہ اسلام آباد بار عدلیہ کی آزادی اور قانون کی بالا دستی  پر یقین رکھتی ہے یہ کسی قانون میں نہیں لکھا کہ جج صاحبان وکلا سے ایسا رویہ اپنائیں ، بار کسی بھی جوڈیشل آفیسر کی طرف سے وکلاء صاحبان سے ہتک آمیز رویہ کسی صورت قبول نہیں کرے گی۔

 عدالت میں پی ٹی آئی وکلا اور جج ہمایوں دلاور کے درمیان تلخ کلامی ہوئی تھی۔ جس پر جج ہمایوں دلاور نے پی ٹی آئی وکیل مرزا عاصم بیگ کو عدالت سے باہر نکال دیا تھا۔

 اسلام آباد بار ایسوسی ایشن نے ایڈیشنل سیشن جج ہمایوں دلاور کی طرف سے اراکین بار سے ہتک آمیز رویہ اپنانے کی شدید مذمت بھی کی ہے۔