توشہ خان ریفرنس میں بڑا فیصلہ ، چیئرمین پی ٹی آئی کو 3 سال قید

اسلام آباد: توشہ خان ریفرنس سیشن کورٹ نے فیصلہ سنا دیا، چیئرمین پی ٹی آئی کو 3 سال قید کی سزا سنا دی گئی ہے۔

چیئرمین پی ٹی آئی کو 3 سال قید اور ایک لاکھ روپے جرمانہ عائد کیا ہے، جرمانہ ادا نہ کرنے پر مزید 6 ماہ قید ہوگی، چیئرمین پی ٹی آئی کو 5 سال کیلئے نا اہل ہوگئے۔

عدالت نے عمران خان کے وارنٹ گرفتاری بھی جاری کردیئے ہیں۔

توشہ خانہ کیس کی سماعت کرنے والے سیشن جج ہمایوں دلاور نے چیئرمین پی ٹی آئی عمران خان کے وکیل خواجہ حارث کے عدالت میں پیش نہ ہونے پر ساڑھے 12 بجے فیصلہ سنانے کا اعلان کیا تھا۔

اسلام آباد کی سیشن عدالت کے جج ہمایوں دلاور توشہ خانہ کیس کی سماعت کررہے ہیں جس میں عدالت نے آج چیئرمین پی ٹی آئی عمران خان کو ذاتی حیثیت میں طلب کررکھا ہے۔

چیئرمین پی ٹی آئی کو عدالت نے صبح ساڑھے 8 بجے طلب کیا تھا لیکن تاحال وہ عدالت میں پیش نہیں ہوئے ہیں۔