ایشین ہاکی چیمپئنز ٹرافی میں پاکستان اپنا چوتھا میچ  پیر کو چین کے خلاف کھیلے گا

ایشین ہاکی چیمپئنز ٹرافی میں پاکستان اپنا چوتھا میچ  پیر کو چین کے خلاف کھیلے گا ، اسی روز بھارتی ٹیم جنوبی کوریا اور جاپان کی ٹیم ملائیشیا سے نبرد آزما ہو گی ، ایشین ہاکی چیمپئنز ٹرافی کے دلچسپ مقابلوں کا سلسلہ بھارت کے شہر چنئی میں جاری ہے ، میگا ایونٹ میں پیر کے روز مزید تین میچوں کا فیصلہ ہو گا۔

جنوبی کوریا کی ٹیم ٹائٹل کا دفاع کر رہی ہے ، پاکستان اور بھارت کو تین ، تین بار ایشین چیمپئنز ٹرافی جیتنے کا اعزاز حاصل ہے ،

رائونڈ رابن کے تحت کھیلے جانے والے ٹورنامنٹ میں ہر ٹیم 5 میچ کھیلے گی اور چار ٹاپ ٹیموں کے درمیان سیمی فائنل مقابلے 11 اگست کو کھیلے جائیں گے جبکہ چیمپئن کا فیصلہ 12 اگست کو ہو گا ، پاکستانی ٹیم اپنا پانچواں اور آخری میچ 9 اگست کو روایتی حریف بھارت کے خلاف کھیلے گی