چیئرمین پی ٹی آئی کی گرفتاری پر سینیٹ میں ہنگامہ ،سیف اللہ ابڑونے بڑے انکشافات کر دیے

سیف اللہ ابڑو نے سینیٹ میں تقریر کرتے ہوئے کہا کہ کل پورے پاکستان نے دیکھا کہ پاکستان کی تاریخ کے سب سے بڑے لیڈر،پاکستان کے سابقہ وزیراعظم ،اور پاکستان کی سب سے بڑی سیاسی پارٹی کے چیئر مین کو کیسے گرفتار کیا گیا۔

بغیر کسی پروسیڈنگ کے ایک نام نہاد کیس میں، اجلت میں ایک معمولی ایڈیشنل جج نے ایک فیصلہ دیا اور پولیس نے فوری طور پر چیئر مین پی ٹی آئی کو گرفتار کر لیا تعجب اس بات کا نہیں کہ انہیں گرفتار کیا گیا بلکہ تعجب اس بات کا ہے کہ حکومت اگر عمل کرنے پر آئے تو معمولی عدالت کے احکامات پر فوری عمل درآمد کروا لے اور اگر احکامات کو ہوا میں اڑانے پر آئے تو سپریم کورٹ جو پاکستان کا سب سے بڑا عدالتی ادارہ ہے اس کے احکامات کو ہوا میں اڑا دے۔

سپریم کورٹ کے احکامات کے باوجود حکومت نے پنجاب اور کے پی کے میں الیکشن نہیں کروائے،سیف اللہ ابڑو نے مزید کہا کہ یہ پی ڈی ایم کی دیرینہ خواہش تھی کہ چیئر مین پی ٹی آئی کو جیل میں ڈالا جائے اور اس کے بعد الیکشن کرائے جائیں جو کچھ ہورہا ہے سب پی ڈی ایم کی خواہش پر ہورہا ہے ۔

سیف اللہ ابڑو نے کہا کہ اس سے صاف واضح ہوجاتا ہے کہ یہ فیصلہ جج ہمایوں  کو لکھ کر دیا گیا تھا جج ہما یوں نے نہ ہی وکیلوں کو سنا نہ ہی دلائل دیکھے صرف فیصلہ کر دیا، فیضان حیدر جج کی جگہ اس کو لاؤنچ کیا گیا ہے کیونکہ فیضان حیدر  کو ٹڑیننگ کے لیے بھیجنا چاہتے تھے جبکہ اب انعام کے طور پر جج ہمایوں  کو بھیجا گیا ہے۔

عمران خان کی گرفتاری پر سینیٹ میں ہنگامہ برپا!!
گرفتاری کس کی خواہش پر ہوئی ؟سیف اللہ ابڑو کی دھماکے دار تقریر!#GNN #GNN_updates #Senate #LatestUpdates pic.twitter.com/9nzt1zpjJ3

— GNN (@gnnhdofficial) August 6, 2023