شہباز شریف نے لاہور میں پاکستان کڈنی اینڈ لیور انسٹیٹیوٹ یونیورسٹی کا سنگ بنیاد رکھ دیا

وزیر اعظم محمد شہباز شریف نے گورنر ہائوس لاہور میں پاکستان کڈنی اینڈ لیور انسٹیٹیوٹ یونیورسٹی کا سنگ بنیاد رکھ دیا۔

پاکستان کڈنی اینڈ لیور انسٹیٹیوٹ کے زیر اہتمام ہیپاٹائٹس سی آ گاہی کانفرنس سے خطاب کرتے ہو ئے وزیر اعظم نے کہا کہ کانفرنس میں شریک تمام ملکی اور غیر ملکی مندوبین کو خوش آ مدید کہتا ہوں،پی کے ایل آ ئی نے2015 میں اپنے سفر کا آ غاز کیا،یونیورسٹی کا قیام ایک بہت بڑا منصوبہ ہے،2018 میں پی کے ایل آئی کی تکمیل ہو ئی ،پروفیسر سعید اختر نے پی کے ایل آ ئی کیلئے شبانہ روز محنت کی،ڈاکٹر سعید کی سربراہی میں لیور ٹرانسپلانٹ کا آ غاز ہوا۔

انہوں نے کہا کہ امیر اور غریب میں تفریق کئے بغیر پی کے ایل آ ئی میں علاج کیا جاتا ہے،مریضوں کیلئے پی کے ایل آ ئی ایک امید کی کرن ہے،پی کے ایل آ ئی کو جدید خطوط پر عالمی معیار کے مطابق بنایا گیا۔ انہوں نے کہا کہ ہیپاٹائٹس کی روک تھا م کیلئے وفاق صوبوں کو فنڈز فراہم کرے گا،ان اقدامات کا مقصد مریضوں کو بہترین خدمات فراہم کرنا ہے، ،مخیر حضرات بھی فنڈز اور ادویات ادارے کو فراہم کریں گے۔

وزیر اعظم نے کہا کہ پی کے ایل آ ئی کے ڈاکٹرز اور عملہ بہترین خدمات سرانجام دے رہا ہے،ہیپاٹائٹس کی روک تھا م کیلئے آگاہی مہم بہت ضروری ہے،پی کے ایل آ ئی کیلئے ٹرسٹ فنڈز میں 15ارب روپے اکھٹے ہوئے ہیں