چیئرمین پی ٹی آئی کا اٹک جیل میں دوسرا دن

چیئرمین تحریک انصاف کا اٹک جیل میں دوسران دن، پہلی رات اٹک جیل کی ہائی سکیورٹی بیرک میں گزاری، چیئرمین پی ٹی آئی کو رات کا کھانا اور صبح کا ناشتہ جیل مینول کے مطابق دیا گیا، سابق وزیراعظم کو نماز فجر کے بعد ناشتے میں بریڈ سلائس، فرائی و ابلا ہوا انڈا، مکھن اور چائے دی گئی۔

جیل ذرائع نے بتایا ہے کہ چیئرمین پی ٹی آئی نے رات کا کچھ حصہ سو کر بھی گزارا، وہ نماز تہجد کیلئے بھی اٹھے اور نماز فجر ادا کر کے جیل کا مہیا کردہ ناشتہ کیا، چیئرمین پی ٹی آئی کو جیل مینول کے مطابق دیگر سہولیات تولیہ، ٹشو پیپر، منرل واٹر، عینک، تسبیح، گھڑی، کرسی، زمین پر سونے کیلئے میٹرس فراہم کیا گیا ہے۔

اسیری کی پہلی رات جیل کی ہائی سیکورٹی بیراک میں گزاری #GNN #GNN_updates #BreakingNews pic.twitter.com/osasiYPJQN

— GNN (@gnnhdofficial) August 6, 2023

چیئرمین پی ٹی آئی کے لئے ٹی وی ور انٹرنیٹ کی سہیولت میسر نہیں ہے تاہم اگر واش روم مختص کی گیا ہے۔

ذرائع کا مزید کہنا ہے کہ ڈسڑکٹ جیل اٹک کے اندر اور بیرونی اطراف میں سکیورٹی ہائی الرٹ ہے، چیئرمین پی ٹی آئی جس بیرک میں قید ہیں اس کے گرد محکمہ جیل خانہ جات کے کمانڈوز اور باہر جیل پولیس کے اہلکار تعینات ہیں، جیل کے بیرونی اطراف ضلعی پولیس اور رینجرز کی پٹرولنگ بھی جاری ہے۔