چیئرمین پی ٹی آئی کی رہائی کی اپیل کل دائر کریں گے ،شاہ محمود قریشی

وائس چیئر مین پی ٹی آئی شاہ محمود قریشی نے کہا کہ کل ہم نے چیئرمین پی ٹی آئی کی رہائی کےلیے اپیل دائر کردیں گے چیئرمین پی ٹی آئی سے کسی کو نہیں ملنے دیا جا رہا اگر لیگل ملاقاتیں بھی نہیں کرنے دی جائیں گی تو   وکالت نامے پر دستخط نہیں ہوسکیں گے تو اپیل کیسے فائل کریں گے؟ طبی معائنہ ہرقیدی کاقانونی حق اورجیل حکام کافرض ہے پمز، پولی کلینک میں میڈٰیکل بورڈ تھا، لیکن چیئرمین پی ٹی آئی کو نہیں لایا گیا۔

تفصیلات کے مطابق وائس چیئرمین پی ٹی آئی رہنما شاہ محمودقریشی نے اپنے ایک بیان میں کہا کہ جج آرڈر پر آئی جی اسلام آباد کوگرفتاری کی ہدایت کرتے ہیں ابھی عدالت کا آرڈر ہوتا ہے پنجاب پولیس زمان پارک پہنچ جاتی ہے آرڈر اسلام آباد پولیس کے پاس ہے گرفتاری پنجاب پولیس کرتی ہے۔

انہوں نے کہا کہ چیئرمین پی ٹی آئی کی گرفتاری کا آرڈر اڈیالہ جیل کا ہے اٹک جیل لےجایا گیا میں جانتا ہوں اٹک جیل میں سہولیات نہ ہونے کے برابر ہیں اٹک جیل میں بی کلاس تک کی سہولت موجود نہیں ہے چیئرمین پی ٹی آئی کے وکلا رسائی مانگتے ہیں لیکن انکار کر دیا جاتا ہے۔

شاہ محمود نے کہا کہ اٹک میں میڈیکل ڈاکٹر کی پوسٹ ہی نہیں ہے  ایک معمولی ڈسپنسر دستیاب ہوتا ہےجس سے علاج کی توقع نہیں کی جاسکتی  کھانانہ جانےکیسا دیا جا رہا ہے چیئرمین کی جان کوخطرہ ہے اعلیٰ عدلیہ کونوٹس لیناچاہیے، توقع کرتےہیں انصاف دیا جائے گا۔