کم عمر ڈکیت گینگ سرگرم،دکان سے نقدی اور سامان لوٹ کر فرار

شاہراہ تور جہان کے علاقے میں کم عمر ڈکیت سر گرم ہوگئے ہیں کراچی کے علاقے نصرت بھٹو کا لونی میں الیکٹرانکس کی دکان پر کم عمر ملزمان نے ڈکیتی کی کم عمر ڈکیت دکان سے نقدی لے اڑے، میڈیا ذرائع کے مطابق پولیس کا کہنا ہے کہ کم عمر ڈکیت گینگ مزاحمت کرنے پر کئی شہریوں کو قتل اور زخمی کر چکا ہے، کم عمر  ڈکیت گینگ زیادہ ذہانت کا استعمال کرتے ہوئے ڈکیتیوں کی وارداتیں کرتے ہیں جس پر ان  کو کئی بار گرفتار کیا جا چکا ہے لیکن وہ ضمانت پر رہائی کے بعد شہر میں دوبارہ سرگرم ہو جاتے ہیں۔

پولیس کے مطابق کم عمر بچوں کے گینگ کے کارندوں کا ہدف غیر ملکی شہری اور دیگر شہروں سے کراچی آنے والے مسافر ہوتے ہیں۔

یہ گینگ زیادہ تر وارداتیں بس اڈوں اور ٹرین اسٹیشنز کی اطراف کرتے ہیں اور اس کیلیے کار کا بھی استعمال کرتے ہیں۔

کراچی میں کم عمر ڈکیت گینگ سر گرم#GNN #GNN_updates #Newsupdates #Breakingnews pic.twitter.com/C2IY3OEPpm

— GNN (@gnnhdofficial) August 6, 2023