چیئرمین پی ٹی آئی ک اٹک سے اڈیالہ جیل منتقلی کےلئے درخواست دائر

چیئرمین پی ٹی آئی کو اٹک جیل سے اڈیالہ جیل منتقل کرنے کیلئے اسلام آباد ہائیکورٹ میں درخواست دائر کردی گئی،جیل میں اے کلاس کی سہولیات  فراہم کرنے کی بھی استدعا کی گئی

دائر درخواست میں قانونی ٹیم ،ذاتی معالج، خاندان کے افراد اور پارٹی رہنماؤں سے ملاقات کی اجازت دینے کی بھی استدعا کی گئی ہے۔

ٹرائل کورٹ کے فیصلے کے خلاف بھی اسلام آباد ہائی کورٹ میں اپیل دائر کئے جانے کا امکان ہے، اپیل دائر کرنے کےلئے وکالت نامے پر چیئرمین پی ٹی آئی کے دستخط لازمی درکار ہیں۔

عمران خان کے وکیل نعیم پنجوتھا نے درخواست میں استدعا کی کہ چیئرمین پی ٹی آئی کی اٹک جیل میں حراست غیر قانونی قرار دی جائے۔

چیئرمین پی ٹی آئی کے وکیل نعیم پنجوتھہ کو پولیس وین میں بٹھا کرجیل میں لے جایا گیا۔ وکیل نعیم پنجوتہ چیئرمین پی ٹی آئی سے پاور آف اٹارنی پر دستخط لیے تاکہ توشہ خانہ فوجداری کیس میں ان کی سزامعطل کرنے کی درخواست دائر کی جائے گی۔

دائر کردہ درخواست میں عمران خان کے لیے جیل میں اے کلاس کی سہولیات کی فراہمی اور میڈیکل چیک اپ کروانے کی بھی استدعا کی گئی ہے۔

درخواست میں یہ بھی استدعا کی گئی ہے کہ ڈاکٹر فیصل سلطان کوعمران خان کا میڈیکل چیک اپ کرنے کی اجازت دی جائے، اس کے علاوہ چیئرمین پی ٹی آئی کو فیملی اور وکلاء سے ملاقات کی اجازت دی جائے۔

پی ٹی آئی کے سربراہ عمران خان نے قید میں دوسری رات بھی گزاردی۔ آج پیر کو پارٹی کی جانب سے عدالتوں سے رجوع کیے جانے کا امکان ہے اور اگر اعلیٰ عدلیہ نے سابق وزیراعظم کی سزا معطل کردی تو ان کی رہائی بھی ہوسکتی ہے۔

عمران خان کو ڈسٹرکٹ جیل اٹک میں رکھا گیا ہے جہاں پورے علاقے کو ریڈ زون قرار دے کر سخت سیکورٹی تعینات کی گئی ہے۔