ترکیہ،اونچی آواز میں میوزک چلانے کی پاداش میں شہری قتل

ترکیہ کے شہر استنبول میں اونچی آواز میں میوزک چلانے کی پاداش میں ایک شہری کو چاقو کے وار کرکے بے دردی سے موت کے گھاٹ اتار دیا گیا۔

غیر ملکی خبر رساں ایجنسی کے مطابق  38 سالہ ترک شہری کار میں گھر جا رہا تھا اور اونچی آواز میں میوزک سن رہا تھا کہ پیچھے سے آنے والی موٹر سائیکل کے ڈرائیور نے اسے میوزک کی آواز کم کرنے کا کہا۔ گاڑی کے ڈرائیور نے میوزک کم کرنے سے انکار کردیا تو دونوں میں جھگڑا ہوگیا۔ اس دوران موٹر سائیکل سوار شخص نے چاقو کا وار کرکے کار سوار کو قتل کردیا۔

متاثرہ شخص کا نام سنان چلیشکانیل ہے جس کو زخمی حالت میں ہسپتال لے جایا گیا مگر وہ جانبر نہ ہوسکا۔ مقامی ترک میڈیا کی جانب سے شائع ہونے والے ایک ویڈیو کلپ میں مقتول کو اپنی سفید کار کے قریب زمین پر پڑا ہوا دکھایا گیا تھا جب راہگیر اسے بچانے کی کوشش کر رہے تھے،  راہگیروں نے ملزم کو پکڑنے کی کوشش کی لیکن وہ ہاتھ نہ آیا