توشہ خانہ کیس،چیئرمین پی ٹی آئی کی سزا کے خلاف اپیل پر اعتراض عائد

توشہ خانہ کیس میں چیئرمین پی ٹی آئی کی سزا کے خلاف اپیل پر اسلام آباد ہائی کورٹ رجسٹرار نے اعتراض عائد کر دیا۔

پی ٹی آئی چیئرمین کے وکلاء نے توشہ خانہ فوجداری کیس میں اُن کی سزا کے خلاف اسلام آباد ہائیکورٹ میں اپیل دائر کی تھی۔

خواجہ حارث اور بیرسٹرگوہر کی جانب سے اسلام آباد ہائیکورٹ میں دائرکردہ اپیلوں میں استدعا کی گئی ہے کہ توشہ خانہ کیس میں ٹرائل کورٹ کافیصلہ خلاف قانون ہے،کالعدم قراردیاجائے۔

رجسٹرار اسلام آباد ہائیکورٹتوشہ خانہ کیس کے فیصلے کے خلاف اپیل پر اعتراض عائد کردیا ہے، اعتراض ہائیکورٹ ڈائری برانچ نے عائد کیا ہے جس میں کہا گیا ہے کہ الیکشن ایکٹ میں اپیل کے ساتھ سزا معطلی دائر کرنے کا تصور نہیں۔

دوسری طرف اٹک سے اڈیالہ جیل منتقلی پر اسلام آباد ہائی کورٹ میں سماعت ہوئی۔ چیئرمین پی ٹی آئی کی درخواست پر ہائی کورٹ نے اعتراضات دور کر دیئے، درخواست کل نمبر لگنے کے بعد دوبارہ مقرر ہو گی۔

چیف جسٹس اسلام آباد ہوئی کورٹ نے ریمارکس دیئے کہ جو وکلاء ملنا چاہتے ہیں دو تین دن میں بتا دیں اس لحاظ سے آرڈر کریں گے۔ جیل رولز میں جو سہولت ہیں وہی آرڈر کریں گے، قانون قاعدہ کے مطابق آرڈر کروں گا۔

واضح رہے کہ ایڈیشنل سیشن جج ہمایوں دلاور نے 5 اگست کو اسلام آباد کی ڈسٹرکٹ اینڈ سیشن کورٹ میں توشہ خانہ فوجداری کیس کا فیصلہ سنایا تھا۔ اس فیصلے میں پی ٹی آئی چیئرمین عمران خان کو 3 سال قید اور ایک لاکھ روپے جرمانے کی سزا سناتے ہوئے بدعنوانی کا مرتکب قراردیا گیا تھا۔