ایل پی جی کی قیمت میں 20 روپے کا خودساختہ اضافہ

ملتان: جہاں دیگراشیائے خوردنوش کی قیمتیں آسمان سے با تیں کر رہی ہیں وہیں ایل پی جی کی قیمت میں بھی 20سے30  روپے اضافہ ہوا، ایک ہفتہ پہلے ایل پی جی 230سے 240روپے فی کلو کے حساب سے فروخت ہورہے تھی مگراب ایل پی جی 260 سے 270روپے فی کلو فروخت ہورہی ہے۔ 

ضلعی انتظامیہ کی غیرسنجیدگی کے باعث ایل پی جی کی فی کلو قیمت 20 روپے اضافے کے بعد اوپن مارکیٹ میں 240 سے  260روپےتک پہنچ گئی۔

ایل پی جی کی قیمت میں اضافے سے رکشہ مالکان بھی پریشان ہیں ان کا کہنا ہے کہ اگر کرایہ بڑھاتے ہیں تو مسافروں سے بحث ہوتی ہے، دوسری جانب گھریلو صارفین کا کہنا ہے کہ قدرتی گیس تو آتی نہیں مجبوراً ایل پی جی استعمال کرتے ہیں لیکن اس کی قیمت میں بھی اضا فہ ہو گیا ہے۔

عوام نے حکومت سے مطالبہ کیا ہے کہ وہ  سرکاری قیمت پر ایل پی جی کی فراہمی کو یقینی بنائے۔