چیئرمین پی ٹی آئی نے سیاسی ڈویلپمنٹ پر نظر رکھنے کا کہا ہے،شاہ محمود قریشی

پاکستان تحریک انصاف کے رہنما شاہ محمود قریشی نے کہا ہے کہ چیئرمین پی ٹی آئی نے کور کمیٹی کو واضع ہدایت دی ہے کہ سیاسی ڈویلپمنٹ پر نظر رکھنی ہے، جیل میں وکلاء کے ذریعے چیئرمین سے رابطہ ہو گا تو رہنمائی لیتے رہیں گے۔

لاہور میں میڈیا سے گفتگو کرتے ہوئے انہوں نے کہا ہے کہ چیئرمین پی ٹی آئی کی ہدایت پر پارٹی کو آگے لے کر چل رہے ہیں،جہاں ضرورت پڑی ان کی رہنمائی لیتے رہے گے۔ 

انہوں نے کہا کہ مردم شماری پر حکومتی اتحادی جماعتوں کے تخفظات سامنے آ رہے ہیں، سپریم کورٹ بار ایسوسی ایشن بھی مردم شماری کی منظوری چیلنج کرنے جا رہی ہے۔نئی حلقہ بندی الیکشن میں تاخیر کی حکمت عملی ہو سکتی ہے۔ ملک کو معاشی اور سیاسی عدم استحکام سے باہر نکالنے کا واحد راستہ شفاف انتخابات ہیں۔

شاہ محمود قریشی نے کہا ہے کہ مردم شماری کے نتائج مئی میں آ چکے تھے، مشاورت سنت بھی ہے، اس میں برکت بھی ہے اور یہ جمہوریت بھی ہے۔

توشہ خانہ کیس کے فیصلے میں کافی قانونی سقم ہیں، فیصلے آئین اور قانون کے مطابق ہوتے ہیں لیکن جو فیصلہ آیا ہے اس پر ہمیں شیدی تخفظات ہیں،جو فیصلہ آیا ہے اسے ہم چیلنج کرنے کا ارادہ رکھتے ہیں

راجہ ریاض من پسند اپوزیشن لیڈر ہیں، وہ ایک ہی جان اور دو قالب ہیں، نگران وزیراعظم کا فیصلہ لندن سے آئے گا۔ انہوں نے کہا کہ فیصلے آئین اور قانون کے مطابق ہوتے ہیں،