فیصل آباد: اووربلنگ، دھاگے کی قیمت میں اضافہ، فیکٹریاں بند

فیصل آباد: جہاں بجلی کی قیمتوں میں حالیہ اضافے سے ٹیکسائل انڈسٹری میں ہرسیکٹر بحران کا شکار ہوتا جارہا ہے وہیں ایک بڑا سیکٹر پاور لوم انڈسٹری جس سے بہت سے مزدور وابستہ ہیں، بحران کا شکار ہے۔ 

فیسکو کی جانب سے پھر رواں مہینے اوور بلنگ کردی گئی ہے، پاور لومز فیکٹریاں بند ہو رہی ہیں جس کی وجہ سے پاور لوم مالکان پریشان ہیں۔

پاورلوم سیکٹر کی بندش کی وجہ نہ صرف اووربلنگ ہے بلکہ دھاگے کی قیمت میں اضافہ بھی ہے جس کی وجہ سے 80 فیصد پاور لومز فیکٹریاں بند ہوچکی ہیں، بجلی کی قیمتوں میں اضافے سے نہ صرف پاورلوم سیکٹر بند ہو رہا ہے بلکہ اس سے وابستہ مزدور بھی بے روزگار ہو رہے ہیں۔