قانون کا مذاق پاکستان کا مقدر بن گیا ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ پاکستان کے سارے سیاسی فیصلے عدالتوں میں ہیں اور عدالتوں کے گرد گھوم رہے ہیں،قانون کا مذاق پاکستان کی سیاست کا مقدر بن گیا ہے

اپنے ٹویٹ میں شیخ رشید نے کہا کہ نگران وزیراعظم کا نام ابھی فضاء میں لٹک رہا ہےایک دو روز میں زمین پر اتر آئے گا۔ موجودہ حکمران عوام میں جانے کے قابل نہیں ہیں اس لیے مردم شماری کے نام پرتاخیر ی حربے استعمال کر رہے ہیں۔ آئین میں 90 دن کے اندر کی گنجائش ہے نئی مردم شماری کے بعد الیکشن کمیشن کے فیصلے کا انتظار ہے۔آئینی معاملات کا فائدہ ان کو ہوگا جو الیکشن میں تاخیر چاہتے ہیں۔ یاد رہے کہ مارچ میں سینیٹ کے الیکشن بھی ہونے ہیں پہلے ہی آئین کھائی میں گرا ہوا ہے شاید مزید گہری کھائی میں گر جائے۔

آج اسمبلیوں کی تحلیل ہونے کا آخری دن ہے اور حکومت جاتے جاتے بجلی صارفین پر 721 ارب روپے کا 6 روپے مزید بنیادی یونٹ کے اضافے کا بوجھ ڈال کے جا رہی ہے نگران وزیراعظم کا نام ابھی فضاء میں لٹک رہا ہےایک دو روز میں زمین پر اتر آئے گاکیوں کے عوام میں جانے کے قابل نہیں ہیں اس لیے مردم…

— Sheikh Rashid Ahmed (@ShkhRasheed) August 9, 2023

انہوں نے مزید کہا کہ آج اسمبلیوں کی تحلیل ہونے کا آخری دن ہے اور حکومت جاتے جاتے بجلی صارفین پر 721 ارب روپے کا 6 روپے مزید بنیادی یونٹ کے اضافے کا بوجھ ڈال کے جا رہی ہے۔ لوگوں کے اپنے چولھے نہیں جل رہے انہیں سیاست کے چولھے جلنے اور بجھنے میں کوئی دلچسپی نہیں۔ معاشی تباہی سیاسی انتشار آئینی بربادی اور ، عدلیہ کو ستمبر میں جانے سے پہلے اہم فیصلے آئین اور قانون کے مطابق سنا دینے چاہیں دس لاکھ نوجوان ملک چھوڑ کر جا رہے ہیں اور پاکستان کے حالات اور سیاسی معاملات سنگین سے سنگین تر ہوتے جارہے ہیں

سربراہ عوامی مسلم لیگ کا کہنا تھا کہ بلاول کہتا ہے کہ ایسا میثاق جمہوریت چاہیےکہ مجھے اور مریم کو 30 سال کے لیے آسان راستہ مہیا کر دیا جائے، اگر انہوں نے 15 مہینے میں اتنی ترقی کر لی ہے تو الیکشن سے کیوں بھاگ رہے ہیں عوام میں کیوں نہیں جا رہے کل جو آئین کے تحفظ کا بھاشن دیتے تھے اج وہ 90 دن کی آئینی مدت کو بڑھانا چاہتے ہیں۔ 24 25 دفعہ ہم ائی ایم ایف کے پاس گئے ہیں کیونکہ ہماری کوئی چیز ٹھیک نہیں ہے اسٹاک ایکسچینج ایک دن میں ایک ہزار پوائنٹ گری ہے اور ڈالر 302 کا ہوگیا ہے