وزیر اعظم نے عید کی چھٹیوں کی منظوری دیدی ، نوٹیفکیشن جاری

تفصیلات کے مطابق    وزیر اعظم عمران خان نے  10 سے 15 مئی تک عید کی چھٹیوں کی منظوری دیدی۔نیشنل کمانڈ اینڈ آپریشن  ( این سی او سی)  کی سفارش پر اور وزیراعظم پاکستان کی اجازت سے وزارت داخلہ نے عید کی چھٹیوں کا نوٹیفکیشن جاری  کردیا۔

ترجمان وزرات داخلہ کا کہنا ہے کہ 10مئی سے 15مئی تک عید کی چھٹیاں ہوں گی۔

چند روز قبل  نیشنل کمانڈ اینڈ آپریشن سینٹر کے اجلاس میں عید الفطر کی تعطیلات کا اعلان کیا گیا تھا ، عید کی تعطیلات  10سے 15 مئی تک  ہوں گی۔

این سی او سی  کے مطابق8 سے 16 مئی تک لوگ اپنے گھروں میں رہیں گے جبکہ  چاند رات کو مہندی اور چوڑیوں کے بازار نہیں لگیں گے۔7 مئی تک اضافی ٹرینیں چلائی جائیں گی اور عید کے دنوں میں بجلی کی لوڈ شیڈنگ نہیں کی جائے گی۔

عید کی تعطیلات سمیت8 سے 16مئی 2021 تک سیاحت پرمکمل پابندی عائد ہوگی، عید کی چھٹیوں کے دوران سفر پر پابندی ہوگی  جبکہ  تمام سیاحتی ریزورٹس، پبلک پارکس، ہوٹلز، ریسٹورنٹس، شاپنگ مال، ٹرانسپورٹ بند ‏ہوگی ۔