سپریم کورٹ میں پرویز الہیٰ کی درخواست ضمانت سماعت کے لئے مقرر

سپریم کورٹ میں پاکستان تحریک انصاف کے صدر اور سابق وزیر اعلیٰ پنجاب چوہدری پرویز الہیٰ کی درخواست ضمانت سماعت کےلئے مقرر کر لی گئی ہے۔

جسٹس اعجاز الاحسن کی سربراہی میں 3 رکنی بینچ 16 اگست کو کیس کی سماعت کرے گا، بینچ میں جسٹس جمال مندوخیل اور جسٹس شاہد وحید بھی شامل ہیں۔

درخواست میں موقف اختیار کیا گیا ہے کہ چوہدری پرویز الہیٰ کے خلاف بدنیتی پر مبنی مقدمات بنائے جا رہے ہیں۔پرویز الہیٰ نے لاہور ہائی کورٹ کے ڈویژنل بینچ کا 17 جولائی کا فیصلہ کالعدم قرار دینے کی استدعا کی تھی۔

درخواست میں یہ بھی کہا گیا ہے کہ درخواستگرار کو متختلف مقدمات اور انکوائریوں میں جعلی طریقے سے ملوث کیا جا رہا ہے۔