پی ٹی آئی رہنما عاطف خان کا بیٹا پشاور سے گرفتار

پشاور: پاکستان تحریک انصاف (پی ٹی آئی) کے رہنما اور خیبرپختونخوا کے سابق وزیر عاطف خان کے بیٹے کو پشاور سے حراست میں لے لیا گیا۔

تفصیلات کے مطابق پی ٹی آئی خیبرپختونخوا کے نائب صدر ظاہر شاہ نے دعویٰ کیا ہے کہ وفاقی تحقیقاتی ادارے (ایف آئی اے) نے پی ٹی آئی رہنما عاطف خان کے بیٹے کو باچا خان پشاور ایئرپورٹ سے حراست میں لے لیا ہے۔

تاہم ایف آئی اے کی جانب سے اس حوالے سے کوئی تفصیلات سامنے نہیں آئیں۔

دوسری جانب پی ٹی آئی رہنما افتخار درانی نے گھر پہنچ کر کہا کہ وہ محفوظ ہیں اور دعاؤں اور نیک خواہشات پر سب کا شکریہ ادا کیا۔