الیکشن کمیشن کا پی ٹی آئی کو جواب جمع کرانے کا آخری موقع

الیکشن کمیشن نے ممنوعہ فنڈنگ ضبطگی کیس کا تحریری آرڈر جاری کر دیا جس  میں کہا گیا ہے کہ الیکشن کمیشن نے گزشتہ برس 2 اگست کو پی ٹی آئی غیر ممنوعہ  فنڈ نگ کیس کا فیصلہ سنایا، اس کیس کے  حوالے سے الیکشن کمیشن میں 12 سماعتیں ہو چکی ہیں اور ہر سماعت پر پی ٹی ائی کو شو کاز نوٹس کا جواب جمع کرانے کی ہدایت کی گئی تھی۔

چیف الیکشن کمشنر سکندر سلطان راجا کے دستخط شدہ الیکشن کمیشن سے  جاری کردہ حکم نامے میں لکھا گیا ہے کہ پی ٹی آئی کو انصاف کے تقاضوں  کے تحت تفصیلی جواب نامہ جمع کرانے کی اجازت دی جاتی ہے، لیکن پی ٹی آئی کو جواب کے ساتھ ساتھ 50 ہزار روپے الیکشن کمیشن  کے دفتر میں جمع کرانے لازم ہوں گے ، یہ رقم یتیم خانے کو دے دی جائے گی۔

آرڈر میں مزید کہا گیا ہے کہ پی ٹی آئی معاملہ التوامیں ڈالنے کے لیے تاخیری حربے استعمال کر رہی ہے۔

الیکشن کیشن کا پی ٹی آئی کو جواب جمع کرانے کا آخری موقع#GNN #GNN_Updates #Newsupdates #Breakingnews pic.twitter.com/JXoadIwLwG

— GNN (@gnnhdofficial) August 12, 2023