اسلام آباد ہائیکورٹ کا چیئرمین پی ٹی آئی کو جیل قوانین کے مطابق تمام سہولیات فراہم کرنے کا حکم

ہائیکورٹ نے چیئر مین پی ٹی آئی کی توشہ خانہ کیس کی اپیل کی پہلی سماعت کا 5 صفحوں پر مشتمل تحریری حکم نامہ جاری کردیا ہے۔

اسلا م آباد ہائیکورٹ نے حکم دیا کہ جیل مینوئل اور جن سہولیات کے چیئرمین پی ٹی آئی حقدار ہیں وہ ان کو ضرور دی دی جائیں، اٹک سے اڈیالہ جیل منتقلی کی درخواست پر وفاق اور صوبائی حکومت 11 اگست کو جواب جمع کراوائیں، درخواست گزار کے وکیل نے بتایا کہ سیشن کورٹ نے اڈیالہ جیل میں رکھنےکا کہا،  درخواست گزار کے وکیل کے مطابق چیئرمین پی ٹی آئی کو  بغیر  وجہ اٹک جیل میں رکھا ہوا ہے۔

حکم نامے میں لکھا گیا ہے کہ  وکلا کے مطابق اٹک جیل میں بی کلاس سہولیات موجود ہی نہیں ہیں، وکلا نے بتایا کہ چیئرمین پی ٹی آئی کو اٹک جیل میں رکھنے کا مقصد بی کلاس سہولیات مہیا نہ کرنا ہے، چیئرمین پی ٹی آئی کو چھوٹے کمرے میں قید کر رکھا ہے، گھر کے کھانے کی اجازت بھی نہیں۔

عدالت نے رولز کے مطابق چیئرمین پی ٹی آئی کو وکلا اور خاندان کے افراد سے ملنے کی اجازت دینے کی ہدایت بھی کی۔

چیئرمین پی ٹی آئی کو قرآن پاک کا اردو اور انگریزی ترجمہ بھی فراہم کیا جائے

عدالت کی رولز کے مطابق وکلا اور خاندان کے افراد سے ملاقات کی اجازت دینے کی ہدایت#GNN #GNN_Updates #Newsupdates #Breakingnews pic.twitter.com/ahCOJI1eS2

— GNN (@gnnhdofficial) August 12, 2023