ہمارے پاس اسرائیلی وزیر اعظم کے خیال سے کہیں زیادہ قیدی ہیں، حماس

حماس کے عسکری ونگ عزالدین القسام بریگیڈ کے ترجمان نے پیغام میں کہا ہے کہ زیر حراست اسرائیلیوں کی تعداد اسرائیلی وزیر اعظم کے بیان کردہ تعداد سے کہیں زیادہ ہے، اسرائیلی قیدیوں کو غزہ کی پٹی کے مختلف علاقوں میں رکھا گیا ہے۔

حماس کے ترجمان نے مزید کہا کہ آپریشن کی منصوبہ بندی کی گئی تھی۔ انہوں نے کہا دراندازی اور میزائل حملوں کے ساتھ اس آپریشن کے بڑے اہداف حاصل کرلئے گئے ہیں۔

حازم قاسم نے نشاندہی کی کہ غزہ کے گردونواح کے متعدد علاقوں میں آپریشن اب بھی جاری ہے۔ حماس ترجمان کے مطابق ہمارے پاس جنگ کے سوا کوئی چارہ نہیں ہے۔ ہم تمام حالات کے لیے تیار تھے۔ ہم اسرائیل کا مقابلہ کرنے کی صلاحیت رکھتے تھے

یاد رہے کہ گزشتہ روز حماس نے عرب اسرائیلی جنگ کی پچاسویں سالگرہ پر علی الصبح پہلی بار غزہ سے بیک وقت بری، بحری اور فضائی کارروائی کرکے سینکڑوں اسرئیلیوں کو ہلاک کر دیا تھا۔