اسرائیل اور حماس میں کشیدگی کے معاملے پر دنیا بھر میں ہلچل مچ گئی

امریکا نے اسرائیل پر حماس کے حملے کے معاملے پر سلامتی کونسل کے اجلاس میں  اتفاق رائے نہ ہونے پر اظہار افسوس کر دیا۔

یاد رہے کہ امریکا نے اسرائیل کی مالی معاونت اور اسرائیل کو تحفظ فراہم کرنے کے لیے اپنے بیڑے بھیجنے کا بھی فیصلہ کیا ہے ۔

اسرائیل اور حماس کشیدگی پر اقوام متحدہ کا بند کمرہ اجلا س بھی بغیر کسی نتیجے کے ختم ہو گیا ۔

اسرائیل اور امریکا کے بھرپور مطالبے پر بھی کئی ملکوں نے حماس کے حملوں کی مذمت نہیں کی ،ا مریکی صدر جوبائیڈن سے اسرائیلی وزیراعظم کی ٹیلیفونک گفتگو کے بعد امریکہ نے اسرائیل کے ساتھ کھڑے ہونا کا فیصلہ کیا اور اسرائیل کی مدد کو ایک بحری بیڑہ اسرائیل کی مدد کو بھیجنے کا فیصلہ کیا بیڑے میں جنگجو جہاز اور جنگی ہتھیار بھی شامل ہیں ۔

یورپی یونین کونسل کی رکن  کلیر ڈیلی نے کہا کہ یورپ اسرائیل کے ساتھ بالکل بھی نہیں ہے ہم صرف امن کے ساتھ کھڑے ہیں ۔

فلسطین میں کشیدگی کے معاملے پر دنیا بھر میں ہلچل مچ گئی#GNN #BreakingNews #NewsUpdates #GNN_Updates pic.twitter.com/XGrlm5pfVN

— GNN (@gnnhdofficial) October 9, 2023

اسرائیل کی حمایت کرنے پر کلیر ڈیلی نے ہورپی یونین کی صدر پر شدید تنقید کردی ، کہا کہ آپ غیر منتخب ہیں آپ کو یورپی یونین کی خارجہ پالیسی کے تعین کا اختیار نہیں ہے ۔

روسی سفیر نے کہا کہ ہم فوری جنگ بندی اور مذاکرات پر زور دیتے ہیں ۔