ڈالر 5 ماہ بعد 280 روپے سے نیچے آ گیا

کراچی: پاکستان میں روپے کے مقابلے ڈالر کی قدر میں مسلسل 24ویں سیشن میں کمی کا رجحان دیکھا جا رہا ہے۔

کاروباری دن کے آغاز پر مقامی زرمبادلہ مارکیٹوں میں ڈالر کی قیمت 1 روپے کی کمی کے بعد 279.51 روپے پر خرید و فروخت جاری رہی۔

اسمگلروں اور ذخیرہ اندوزوں کے خلاف کریک ڈاؤن کے بعد پاکستانی روپے کی قدر میں مسلسل اضافہ ہو رہا ہے جس سے ڈالر کی قیمت نیچے جا رہی ہے۔

واضح رہے کہ گزشتہ روز انٹر بینک میں ڈالر کی قیمت 280.51 روپے ریکارڈ کی گئی تھی، دوسری جانب پاکستان اسٹاک ایکسچینج (پی ایس ایکس) میں بدھ کو بھی تیزی کا کاروبار جاری رہا۔

پی ایس ایکس 100 انڈیکس 203 پوائنٹس کے اضافے سے 48343 پوائنٹس پر بند ہوا جو گزشتہ روز 48140 پوائنٹس پر بند ہوا۔