پیراگون ہاؤسنگ سوسائٹی ریفرنس، خواجہ برادران بے گناہ قرار

پیراگون ہاؤسنگ سوسائٹی ریفرنس میں مسلم لیگ ن کے رہنما خواجہ سعد رفیق اور خواجہ سلمان رفیق کو بے گناہ قرار دے دیا گیا۔

احتساب عدالت کے جج قمر الزمان نے نیب کی درخواست پر سماعت کی ۔

نیب رپورٹ میں کہا گیا ہے کہ خواجہ برادران کے خلاف کرپشن کے کوئی شواہد نہیں ملے، پیراگون ہاؤسنگ سوسائٹی کی عزیز بھٹی ٹاؤن سے منظوری ہو چکی ہے۔

رپورٹ میں بتایا گیا کہ نیب کو خواجہ برادران کے خلاف ریفرنس پر مزید کارروائی کی ضرورت نہیں ہے۔ ایل ڈی اے بطور ریگولیٹر چھوٹی موٹی شکایات کا ازالہ کرے

احتساب عدالت لاہور نے خواجہ برادران کے خلاف پیراگون ریفرنس ایل ڈی اے کو بھجوانے کی نیب کی درخواست منظور کرلی۔

عدالت نے پیراگون ریفرنس ایل ڈی اے کو مزید کارروائی کے لیے بھیج دیا ۔

واضح رہے کہ نیب نے ریفرنس ایل ڈی اے کو بھیجنے کے لیے عدالت سے استدعا کی تھی۔