پاکستان فلسطین کے ساتھ شانہ بشانہ کھڑا ہے ، انوارلحق کا کڑ

نگران وزیراعظم انوار الحق کاکڑ نے کہا ہے کہ پاکستان اسرائیل کو ایک غاصب سمجھتا ہے اور فلسطینیوں کے اپنی بقا اور اپنی سرزمین پر واپسی کے حقوق میں ان کے ساتھ کھڑا ہے۔

ڈیجیٹل میڈیا پلیٹ فارم  پر نجی چینل سے بات کرتے ہوئے  ایک انٹرویو میں انہوں نے اسرائیل کو تسلیم کرنے کے کسی بھی امکان کو مسترد کر دیا اور کہا کہ اس حوالے سے کسی قسم کے مذاکرات نہیں ہو رہے ہیں۔

بھارت کے ساتھ تعلقات کے بارے میں انہوں نے کہا کہ بھارتی حکمران جماعت کی انتہاپسند آر ایس ایس سے متاثرہ سوچ اور تنازعہ کشمیر بھارت کے ساتھ اچھے تعلقات بھی برقرار رکھنے میں بڑی رکاوٹیں ہیں۔

انہوں نے کہا کہ بھارت کے خطے میں اجارہ داری قائم کرنے کے عزائم کو روکنے کی ضرورت ہے کیونکہ یہ ملک مسلمانوں، سکھوں اور اپنی دیگر اقلیتوں کیلئے جہنم بن چکا ہے۔