ڈیپوٹیشن پر تعینات پولیس افسر لاکھوں روپے اور ریکارڈ لے کرفرار

ڈیپوٹیشین پر تعینات سب انسپکٹر  لاکھوں کی رقم اور دیگر سامان جمع کرائے بغیر ہی سندھ پولیس میں واپس چلا گیا ۔

تفصیلات کے مطابق سندھ پولیس کا سب انسپکٹر ڈیپوٹیشن پر ایف آئی اے میں تعینات تھا ایف آئی اے سے سب انسپکٹر پر لاکھوں کی رقم آئی فون جس کی مالیت لاکھوں روپے ہے و دیگر سامان کے خورد بود کرنے کا الزام ہے ۔

ایف آئی اے کی تاریخ کا انوکھا واقعہ#GNN #NewsUpdates #BreakingNews #GNN_Updates pic.twitter.com/5f8poCW4Ju

— GNN (@gnnhdofficial) October 12, 2023

سب انسپکٹر ابو عمیر کے خلاف مقد مہ درج کر لیا گیا ، رقم سمیت 5 پراپرٹیز کیس جمع نہ کرانے پر اینٹی کرپشن نے ابو عمیر کے خلاف مقدمہ درج کر دیا ۔

یاد رہے کہ سب انسپکٹر پر رقم سمیت 5 کیس پراپرٹیز جمع نہ کرانے پر سب انسپکٹر ابوعمیر کیخلاف اینٹی کرپشن سرکل میں مقدمہ درج کرا دیا، کیس پراپرٹیز میں 11 لاکھ روپے سے زائد کیش، اصل کیس فائلیں، آئی فون 14 سمیت 2 فون جبکہ دیگر اشیاء میں ایک گاڑی، رجسٹریشن پیپر اور مختلف قومی شناختی کارڈز شامل ہیں۔