جنید صفدر اور اہلیہ عائشہ میں طلاق

جنید صفدر نے انسٹاگرام اسٹوری میں طلاق کی خبر کی تصدیق کرتے ہوئے اسے ایک انتہائی نجی معاملہ قرار دیا ہے۔

نجی ٹی وی کے مطابق 2021 میں شادی کے بندھن میں بندھنے والے جنید صفدر اور عائشہ سیف کے درمیان علیحدگی ہوگئی ہے۔

انہوں نے میڈیا اداروں سے درخواست کی کہ وہ اس انتہائی نجی معاملے پر ان کی پرائیویسی کا احترام کریں۔

جنید صفدر نے مزید لکھا کہ اس فیصلے سے ان دونوں کو سکون ملے گا اور وہ اس معاملے پر مزید بات نہیں کریں گے، انہوں نے عائشہ کیلئے نیک تمناؤں کا اظہار بھی کیا۔

یاد رہے کہ عائشہ سیف اور جنید صفدر 2021 میں شادی کے بندھن میں منسلک ہوئے تھے۔