منشیات فروشوں کے خلاف آپریشن کے حقائق منظر عام پر آ گئے

اسلام آباد: نگران حکومت، سکیورٹی فورسز اور عسکری قیادت نے ملکی سالمیت اور نوجوانوں کے محفوظ مستقبل کے لیے سخت اقدامات کا فیصلہ کیا، جس کے تحت حکومتی ایما پر ماہ ستمبر سے ملک بھر میں منشیات فروشوں اور سپلائرز کے خلاف آپریشن کا آغاز کیا گیا۔

اینٹی نارکوٹکس فورس کی رپورٹ کے مطابق یکم ستمبر سے 8 اکتوبر تک کے اعداد و شمار کے مطابق ملک بھر سے تقریباً 450 کلو منشیات برآمد، 15 سے زائد گرفتاریاں کی گئی ہیں۔

تفصیلات کے مطابق پنجاب سے 17 کلو ہشیش اور 4.7 کلو ہیروئن، خیبرپختونخوا میں 12 کلو افیون، 97 کلو ہشیش، 15 کلو ہیروئن اور 0.5 کلو میتھ، بلوچستان سے 127 کلو ہشیش، 44 کلو میتھ اور 30 کلو افیون اور سندھ میں 126 کلو ہشیش برآمد کی گئی ہے۔

اسی طرح منشیات فروشوں کے خلاف آپریشن میں پنجاب سے 9، سندھ سے ایک، خیبرپختونخوا سے 3 اور بلوچستان سے 2 گرفتاریاں عمل میں لائی گئیں۔ نگران حکومت اور عسکری قیادت ملک بھر سے منشیات جیسی لعنت سے چھٹکارا حاصل کرنے کے لیے پر عزم ہیں۔