شارجہ پولیس کی کارروائی، بین الاقوامی گروہ گرفتار ،نشہ آور گولیاں ومنشیات برآمد

ابوظہبی: شارجہ پولیس نےبین الاقوامی گروہ کو گرفتار کرکے14 ملین درہم کی 50کلو حشیش، 49 لیٹر سیال کرسٹل اور 11 لاکھ 70 ہزار نشہ آور گولیاں برآمد کر لیں۔

سعودی ذرائع ابلاغ کے مطابق متحدہ عرب امارات کے شہر شارجہ میں محکمہ انسداد منشیات کے ڈائریکٹر کرنل ماجد العسم نے کہا کہ گروہ کےارکان پڑوسی ریاست میں ایک گودام کرائے پر لے کر نشہ آور اشیا ذخیرہ کرنے کے لیے استعمال کررہے تھے

جسے حراست میں لے کر ان کے قبضے سے 14 ملین درہم کی 50کلو حشیش ، 49 لیٹر سیال کرسٹل اور 11 لاکھ 70 ہزار نشہ آور گولیاں برآمد کر لی گئیں۔ گروہ میں عرب اور ایشیائی ممالک کے 32 افراد شامل ہیں۔